🏮💎🏮💎🏮

ಉಂಡು ಹೋದ ಅಮ್ಮ

🏮💎🏮💎🏮



⭕🔔⭕

ಸುಧಾಕರ ಜೈನ್ ಹೊಸಬೆಟ್ಟು ಗುತ್ತು

⭕🔔⭕


ವೇಗವಾಗಿ ಒಂದರ ಹಿಂದೆ ಒಂದು ಆರು ವಾಹನಗಳು ಬರುತ್ತಿತ್ತು. ವಾಹನಗಳು ಬರುತ್ತಿದ್ದ ರಭಸಕ್ಕೆ ರಸ್ತೆಯಪಕ್ಕದಲ್ಲಿ ನಿಂತಿದ್ದ ಖರ್ಜೂರದ ಮರಗಳು ಅಲ್ಲಾಡುವಂತೆ ಕಾಣುವ ಹಾಗೆ ನಡುಗುತ್ತಿದ್ದವು. ಎದುರಿಗೆ ಮತ್ತು ಕೊನೆಗೆ ಇದ್ದದ್ದು ತೆರೆದ ಜೀಪ್. ಆ ಜೀಪಿನಲ್ಲಿ ಅತ್ಯಾಧುನಿಕ ಗನ್‌ಗಳನ್ನು ಜೀಪಿನ ಫ್ರೇಮ್ ರಾಡಿಗೆ ಆಧಾರವಾಗಿ ಇಟ್ಟುಕೊಂಡು ಸುತ್ತಲೂ ಗುರಿ ಇಟ್ಟು ನಿಂತಿರುವ ಉಗ್ರರು.
ವೇಗವಾಗಿ ಬಂದ ವಾಹನಗಳು ದಸಕ್ಕೆಂದು ನಿಂತಾಗ ಕಪ್ಪು ರಸ್ತೆಯ ಮೇಲೂ ಕಪ್ಪಾದ ಗೆರೆಯಂತಹ ಬರೆ ಬಿದ್ದವು.
ಒಂದು ಕ್ಷಣ ಇಡೀ ವಾತಾವರಣದಲ್ಲಿ ಬೂಟಿನ ಸೌಂಡು ಮಾತ್ರ ಕೇಳುವಷ್ಟು ನಿಶಬ್ಧವೊಂದು ಹುಟ್ಟಿಕೊಂಡಿತು.

ಮರುಕ್ಷಣದಲ್ಲಿ ದಡಬಡ ದಡಬಡ ಶಬ್ಧಗಳಿಂದ ಎಲ್ಲಾ ಮನೆಯ ಬಾಗಿಲು ಮುಚ್ಚಿಕೊಂಡವು. ಮತ್ತೆ ಒಂದು ಕ್ಷಣ ಕಠೋರ ಮೌನ.

ಮರುಕ್ಷಣದಲ್ಲಿ ಢಂ ಢಂ  ಢಂ ಢಂ ಎಂಬ ಶಬ್ಧಗಳಿಂದ ಉಗ್ರರ ಗನ್‌ನೊಳಗೆ ಕುಳಿತಿದ್ದ ಬುಲೆಟ್‌ಗಳು ಒಳಗಿನಿಂದ ಚಿಲಕ ಬಿದ್ದಿರುವ ಬಾಗಿಲೊಳಗೆ ನುಗ್ಗಿತು.

ಒಂದಷ್ಟು ಬಾಗಿಲು ತೆರೆದುಕೊಂಡವು. ತೆರೆಯದ ಬಾಗಿಲ ಎದೆಗೆ ಮತ್ತೊಂದಷ್ಟು ಗುಂಡುಗಳು ನುಗ್ಗಿದವು. ಮತ್ತೊಂದಷ್ಟು ಮನೆಯ ಬಾಗಿಲುಗಳು ತೆರೆದುಕೊಂಡವು.

ತೆರೆದ ಬಾಗಿಲ ಮನೆಗೆ ನುಗ್ಗಿದ ಉಗ್ರರು ಒಂದಷ್ಟು ಹುಡುಗರನ್ನು ಎಳೆದುಕೊಂಡು ಬಂದರು. ಒಬ್ಬಾಕೆ ತಾಯಿ ಉಗ್ರನೋರ್ವನ ತೊಡೆಯನ್ನು ಗಟ್ಟಿಯಾಗಿ ಹಿಡಿದುಕೊಂಡು ನೇತಾಡುತ್ತಿದ್ದಳು.
ನನ್ನ ಮಗನನ್ನು ಬಿಟ್ಟುಬಿಡಿ, ಬಿಟ್ಟುಬಿಡಿ. ಬೇಕಾದರೆ ನಾನೇ ಬರುವೆ ಎಂಬು ಬೊಬ್ಬಿಟ್ಟು ಅಳುತ್ತಾ ತೊಡೆಯಲ್ಲೇ ನೇತಾಡುತ್ತಿದ್ದಳು.
ನೇತಾಡುತ್ತಿದ ತೊಡೆಯನ್ನೇ ಎತ್ತಿ ಹೆಜ್ಜೆ ಹಾಕುತ್ತಿದ್ದ ಉಗ್ರನ ವೇಗ ಕಡಿಮೆಯಾಗುತ್ತಿದ್ದನ್ನು ಕಂಡ ಇನ್ನೊಬ್ಬ ಉಗ್ರ ತೊಡೆಯಲ್ಲಿ ನೇತಾಡುತ್ತಿದ್ದ ಹೆಂಗಸಿಗೆ ಒದ್ದ.
ತಾಯಿ ಕೆಳಗೆ ಬಿದ್ದಳು.
ತೆರೆದ ಜೀಪುಗಳ ಮಧ್ಯೆ ನಿಂತಿರುವ ಪೂರ್ತಿ ಮುಚ್ಚಿರುವ ವಾಹನದೊಳಗೆ ಈ ಎಳೆದುಕೊಂಡು ತಂದ ಹುಡುಗರನ್ನು ತುಂಬಿಸಿದರು.

ಎಲ್ಲಾ ವಾಹನಗಳ ಬಾಗಿಲು ಮುಚ್ಚಿದರು.

ಸುಧಾರಿಸಿಕೊಂಡ ತಾಯಿ ಎದ್ದು ಮತ್ತೊಮ್ಮೆ ಜೀಪಿನಲ್ಲಿ ಕುಳಿತಿರುವ ಉಗ್ರನೋರ್ವನ ಕಾಲು ಹಿಡಿಕೊಂಡಳು.

ಜೀಪ್ ಹೊರಡಲಾರಂಭಿಸಿತು. ತಾಯಿ ಹಿಡಿದ ಕಾಲನ್ನು ಬಿಡಲೇ ಇಲ್ಲ. ದಮ್ಮಯ ನನ್ನ ಮಗನನ್ನು ಬಿಟ್ಟು ಬಿಡಿ ಬಿಟ್ಟು ಬಿಡಿ ಎಂದು ಬೇಡುತ್ತಲೇ ಹಿಡಿದ ಕಾಲಿನಲ್ಲಿ ನೇತಾಡುತ್ತಲೇ ಓಡಿದಳು.
ಹಿಂದೆ ಗನ್ ಹಿಡಿದುಕೊಂಡು ನಿಂತಿದ್ದ ಉಗ್ರ ಒದ್ದ.
ಹೆಂಗಸು ರಸ್ತೆಗೆ ಬಿದ್ದಳು. ಬಿದ್ದಲ್ಲಿಂದ ಮತ್ತೆ ಜೀಪಿನೆಡೆಗೆ ಓಡಿ ಬರಲೆತ್ನಿಸುವುದನ್ನು ಉಗ್ರ ಕನ್ನಡಿಯಲ್ಲಿ ಕಂಡ. ಹಿಂದೆ ತಿರುಗಿದ, ಓಡಿ ಬರುತ್ತಿದ್ದ ಆ ಹೆಂಗಸಿನ ಕಡೆಗೊಮ್ಮೆ ನೋಡಿದ.  ಉಗ್ರನಿಗೂ ಮನಸ್ಸು ಕರಗಿತೋ ಏನೊ. ಜೀಪನ್ನು ನಿಲ್ಲಿಸುವಂತೆ ಹೇಳಿದ. ಹೆಂಗಸು ತನ್ನ ತಾಯಿಯಂತೆ ಕಂಡಿತೋ ಏನೊ. ಕಿಸೆಯಿಂದ ಒಂದು ವಿಸಿಟಿಂಗ್ ಕಾರ್ಡ್ ತೆಗೆದು ಓಡೋಡಿ ಬರುತ್ತಿದ್ದ ತಾಯಿಗೆ  ಬಿಸಾಡಿದ.

“ಅದರಲ್ಲಿ ನಮ್ಮ ಆಫೀಸಿನ ಅಡ್ರೆಸ್ ಇದೆ. ನಾಳೆ ನಮ್ಮ ಆಫೀಸಿಗೆ ಬಾ.” ಜೀಪ್ ಹೊರಟಿತು. ಬಿಸಾಡಿದ ವಿಸಿಟಿಂಗ್ ಕಾರ್ಡ್ ವೇಗವಾಗಿ ಹೊರಟ ವಾಹನಗಳ ಗಾಳಿಯ ವೇಗಕ್ಕೆ ವಶವಾಗಿ ಅದೇ ದಿಕ್ಕಿಗೆ ಹಾರುತ್ತಿತ್ತು. ಕುಂಟುತ್ತಾ ಓಡಿ ಹೋಗಿ ವಿಸಿಟಿಂಗ್ ಕಾರ್ಡನ್ನು ಹಿಡಿದುಕೊಂಡಳು ತಾಯಿ.

ತನ್ನ ಮಗ ತಲುಪುಬಹುದಾದ ಜಾಗದ ಅಡ್ರಸನ್ನು ಗಟ್ಟಿಯಾಗಿ ಹಿಡಿದುಕೊಂಡಳು ತಾಯಿ. ಮನೆಗೆ ಹಿಂತಿರುಗಿದಳು. ಆ ಅಡ್ರಸಿಗೆ ತಾನು ತಲುಪಬಹುದಾದ ದಾರಿ ಮತ್ತು ಪ್ರಯಾಣದ ಬಗ್ಗೆ ಯೋಚಿಸಿದಳು.

ತನಗೆ ಹುಟ್ಟಿದ ಮಗನನ್ನು ಕಳೆದಕೊಂಡ ತಾಯಿ, ಲೋಕಕ್ಕೆ ಬೆಳಕನ್ನು ನೀಡುವ ಸೂರ್ಯನ ಹುಟ್ಟಿಗಾಗಿ ಕಾದಳು.

ಹೊರಟಳು ತಾಯಿ, ಕಳೆದುಕೊಂಡ ಮಗನನ್ನು ಪಡೆದುಕೊಳ್ಳಲು ಹೊರಟಳು.

ಉಗ್ರರು ಕೊಟ್ಟ ವಿಳಾಸಕ್ಕೆ ತಲುಪಿದಳು.

ವಿಸಿಟಿಂಗ್ ಕಾರ್ಡ್ ತೋರಿಸಿ ಘಟನೆಯನ್ನು ವಿವರಿಸಿ ಒಳ ಹೋಗಲು ಅಪ್ಪಣೆಗಾಗಿ ಕಾದಳು.

ಅಷ್ಟರಲ್ಲಿ ಅವಳನ್ನು ಒಳಗೆ ಕಳುಹಿಸುವಂತೆ ಒಳಗಿನಿಂದ ಒಂದು ಮೆಸ್ಸೇಜ್ ಬಂತು.

ವಿಸಿಟಿಂಗ್ ಕಾರ್ಡ್ ಬಿಸಾಡಿದವನ ಮುಖ ಕಂಡು ಸಂತೋಷಗೊಂಡಳು ತಾಯಿ.

ಓಡಿ ಹೋಗಿ ಆತನ ಮುಂದೆ ಮಂಡಿಯೂರಿ ನಿಂತು ಆತನ ಎರಡೂ ಕಾಲನ್ನು ತಬ್ಬಿಕೊಂಡಳು.

ಎಲ್ಲಿ ನನ್ನ ಮಗ..? ದಯಮಾಡಿ ಕಳುಹಿಸಿಕೊಡಿ.

ಡೋಂಟ್ ವರಿ, ಒಳಗೆ ಇದ್ದಾನೆ, ಬರ್ತಾನೆ.

ಈಗ ಊಟದ ಸಮಯ ಬನ್ನಿ ಊಟ ಮಾಡಿ ಆಮೇಲೆ ನಿಮ್ಮ ಮಗನನ್ನು ಕರೆದುಕೊಂಡು ಹೋಗುವಿರಂತೆ.

ಉಗ್ರನೊಳಗೆ ದೇವರೇ ಕಂಡಿದ್ದರು ಆ ತಾಯಿಗೆ. ಮೊಣಕಾಲೂರಿದಲ್ಲಿಂದ ಎದ್ದು ಊಟಮಾಡಲು ಹೇಳಿದ ಉಗ್ರನನ್ನು ತಬ್ಬಿಕೊಂಡಳು. ಹಣೆಗೊಂದು ಮುತ್ತನ್ನು ನೀಡಿದಳು.

ಅಬ್ಬಾ ಎಷ್ಟು ಒಳ್ಳೆಯ ಉಗ್ರ. ಇಂತಹ ಉಗ್ರನಿಗೆ ಜನ್ಮ ನೀಡಿದ ತಾಯಿ ಪುಣ್ಯಾತ್ಮಳು ಎಂದುಕೊಳ್ಳುತ್ತಾ ಆತ ತಟ್ಟೆ ಇಟ್ಟ ಎದುರಿನ ಕುರ್ಚಿಯಲ್ಲಿ ಕುಳಿತಳು.
ಒಬ್ಬ ಆ ತಾಯಿಗೆ ಊಟ ಬಡಿಸಿದ. ಇನ್ನೊಬ್ಬ ನೀರು ತಂದು ಕೊಟ್ಟ. ಇನ್ನೊಂದಷ್ಟು ಜನ ಉಗ್ರರು ಬಂದು ಅವಳ ಸುತ್ತಾ ಕೈ ಕಟ್ಟಿ ನಿಂತರು.
ಮಾತಾಡುತ್ತಾ ಮಾತಾಡುತ್ತಾ ಊಟ ಮುಗಿಸಿದಳು ತಾಯಿ.
ಒಬ್ಬ ಕೈ ತೊಳೆಯಲು ನೀರು ತಂದು ಕೊಟ್ಟ.
ಉಗ್ರರ ಊಟ ಉಂಡು, ಸತ್ಕಾರ ಕಂಡು, ತಾನು ಇಲ್ಲೇ ಇದ್ದರೆ ಹೇಗೆ…? ಇವರೆಲ್ಲರಿಗೂ ತಾನು ತಾಯಿಯಾಗಿ ಇವರೊಡನೇ ಇದ್ದು, ಇವರೆಲ್ಲರ ಮನಸ್ಸನ್ನು ಗೆದ್ದು ಇವರೆಲ್ಲರ ಬದುಕನ್ನೇ ಬದಲಿಸಬಹುದಲ್ವಾ ಎಂಬ ಆಸೆಪಟ್ಟುಕೊಂಡಳು.
ಸರಿ ಮಕ್ಕಳೇ ನೀವು ಹೇಳಿದಂತೆ ನೀವಿದ್ದಲ್ಲಿಗೆ ಬಂದೆ. ನೀವು ಹೇಳಿದಂತೆ ಊಟ ಮಾಡಿದೆ. ಇನ್ನು ನಾನು ಹೊರಡಬೇಕು.
ನನ್ನ ಮಗನನ್ನು ನನ್ನೊಡನೆ ಕಳುಹಿಸಿಕೊಡಿ ನಾನು ಹೊರಡುವೆ.

ಅಷ್ಟರಲ್ಲಿ ಸುತ್ತ ನಿಂತಿದ್ದ ಉಗ್ರರು ತಾಯಿ ಸುತ್ತ ಕುಣಿಯುವುದಕ್ಕೆ ಆರಂಭಿಸಿದರು.

ಕುಣಿಯುತ್ತಿರುವ ಉಗ್ರರ ಮಧ್ಯದಿಂದ ಸುತ್ತ ಇಣುಕಿದಳು ತನ್ನ ಮಗನು ಬರಬಹುದಾದ ದಿಕ್ಕಿನೆಡೆಗೆ.

ಕುಣಿಯುವುದನ್ನು ನಿಲ್ಲಿಸಿದ ಉಗ್ರರೆಲ್ಲರೂ ತಾಯಿಯನ್ನೇ ನೋಡಲಾರಂಭಿಸಿದರು.

ಎಲ್ಲಿ ನನ್ನ ಮಗ..! ಕಳುಹಿಸಿಕೊಡಿ ಹೊರಡುತ್ತೇವೆ ನಾವು.

ಎಲ್ಲರೂ ಬೊಬ್ಬಿಟ್ಟು ನಗಾಡಿದರು…!

ಎಲ್ಲಿ ನಿನ್ನ ಮಗ….?

ಈಗ ನಾವು ಹೇಗೆ ನಿನ್ನ ಮಗನನ್ನು ಕಳುಹಿಸಿಕೊಡುವುದು …?
ನೀನು ಈಗ ನಮ್ಮಲ್ಲಿ ಊಟ ಮಾಡಿದೆಯಲ್ಲಾ..?
ಇನ್ನು ಹೇಗೆ ನಾವು ನಿನ್ನ ಮಗನನ್ನು ಕಳುಹಿಸಿಕೊಡುವುದು….?
ನಾವು ಎಲ್ಲಿಂದ ನಿನ್ನ ಮಗನನ್ನು ಕಳುಹಿಸಿಕೊಡುವುದು …!
ನೀನು ಆಗಲೇ ಕರೆದುಕೊಂಡು ಹೋದೆಯಲ್ಲಾ….!

ಮತ್ತೆ ಸುತ್ತ ನಿಂತಿದ್ದ ಉಗ್ರರು ತಾಯಿಯ ಸುತ್ತ ಕುಣಿದರು.
ತಾಯಿಗೆ ಏನೂ ಅರ್ಥ ಆಗದೆ ಸುತ್ತ ನೋಡುತ್ತ ತನ್ನ ಮಗ ಬರಬುಹುದಾದ ದಾರಿಯ ಕಡೆಗೆ ಇಣುಕುತ್ತಿದ್ದಳು.

ದಯಮಾಡಿ ನನ್ನ ಮಗನನ್ನು ಕಳುಹಿಸಿಕೊಡಿ ಎಂದು ಬೊಬ್ಬಿಟ್ಟಳು.

ಕುಣಿಯುತ್ತಿದ್ದ ಉಗ್ರರೆಲ್ಲಾ ಒಂದು ಕ್ಷಣ ನಿಂತು ಬಿಟ್ಟರು.

ದಯಮಾಡಿ ನನ್ನ ಮಗನ್ನು ಕಳುಹಿಸಿಕೊಡಿ ಎಂದು ಬೇಡಿದಳು
ಮತ್ತೆ ಜೋರಾಗಿ ನಗಾಡಿದರು…,
ಎಲ್ಲಿಂದ ಕಳುಹಿಸಿಕೊಡಲಿ ನಿನ್ನ ಮಗನನ್ನು

ನೀನು ಈಗ ಊಟ ಮಾಡಿದೆಯಲ್ಲಾ…..!
ನಿನ್ನ ಮಗನ ಮಾಂಸವನ್ನೇ ನೀನು ಈಗ ಉಂಡದ್ದು…!
ನಿನ್ನ ಮಗನನ್ನು ಕೊಂದು ಅವನ ಮಾಂಸವನ್ನೆ ಅಡುಗೆ ಮಾಡಿ ನಿನಗೆ ಬಡಿಸಿದ್ದು ನಾವು.

ಮಗನ ಮಾಂಸವನ್ನೇ ಅಡುಗೆ ಮಾಡಿ, ಆ ಮಗನ ತಾಯಿಗೇ ಉಣ್ಣಿಸಿದ ಉಗ್ರರು ನಾವು…

ಮತ್ತೆ ಉಗ್ರರ ಉಗ್ರ ಡ್ಯಾನ್ಸ್…!

ISIS ಉಗ್ರರು ಸಿರಿಯಾದ ಕುರ್ದಿಸ್ತಾನ್ ಎಂಬಲ್ಲಿ ಮಾಡಿದ ಈ ನೈಜ ಕೃತ್ಯ
ದಿನಾಂಕ 2 ಮಾರ್ಚ್ 2015 ರಂದು ಪತ್ರಿಕೆಗಳಲ್ಲಿ ಸುದ್ದಿಯಾಗಿತ್ತು.

ಆ ನೈಜ ಘಟನೆಯ ಸುದ್ದಿಯನ್ನೇ ಆಧಾರವಾಗಿಟ್ಟುಕೊಂಡು ಬರೆದ ಕಥೆ ಇದು.


⭕🔔⭕

ಸುಧಾಕರ ಜೈನ್ ಹೊಸಬೆಟ್ಟು ಗುತ್ತು.

9900500832

09/07/2020


🌿🌹🌿🌹🌿🌹🌿